Almaty oblysy ákimi apparaty basshysynyń orynbasary laýazymyna Ahmetov Danıar Dýısenbiuly taǵaıyndaldy. Bul týraly oblys ákiminiń baspasóz qyzmeti habarlady.

Danıar Dýısenbiuly 1984 jyly týǵan, bilimi joǵary. 2006 jyly Qazaq memlekettik zań akademıasyn «Zańger» mamandyǵy boıynsha, 2015 jyly Ulybrıtanıa Sheffıld Ýnıversıteti, «Bolashaq» baǵdarlamasynyń «halyqaralyq qatynastar magıstri» mamandyǵy boıynsha aıaqtaǵan.

Eńbek jolyn 2005 jyly Esep komıtetiniń ınspektory bolyp bastaǵan.

Ár jyldary Indýstrıa jáne saýda mınıstrliginiń bas mamany, Qarjy naryǵyn retteý men qadaǵalaý agenttigi sarapshysy, Ekonomıkalyq damý jáne saýda mınıstrliginiń basqarmasynyń bastyǵy, departament dırektorynyń orynbasary, Premer-mınıstr birinshi orynbasarynyń keńesshisi, Premer-mınıstr keńsesiniń Óńirlik damý bólimi meńgerýshisiniń orynbasary, Premer-mınıstr keńsesi basshysynyń orynbasary, Premer-mınıstr keńesshisi, QR Prezıdenti ákimshiliginiń ınspektory, Almaty qalasy ákimi apparaty basshysynyń orynbasary qyzmetin atqarǵan.

Osy ýaqytqa deıin Almaty oblysy ákiminiń keńesshisi laýazymynda eńbek jasaǵan.