Qytaıda Covid-19-dyń taralýy pandemıa bastalǵaly bergi shyrqaý shegine taıap qqaldy. Beıjiń saıabaq, saýda oryndary, mýzeı syndy adam kóp júretin jerlerdi jaýyp jatyr, dep jazady Reuters agenttigi.

21 qarashada Qytaıda 2145 adam Covid-19 juqtyrsa, 25 754 adam indettiń sımptomsyz túrine shaldyqqan. Bul – pandemıa kezinde ahýal kúrdelengen 2020 jylǵy sáýirdegi jaǵdaıǵa jaqyn. 21 qarashada mamyr aıynan beri alǵash ret eki adam koronavırýstan kóz jumǵan.

Qytaı memlekettik keńesiniń vıse-premeri vırýstyń taralýyn toqtatý úshin shuǵyl ári naqty sheshimder qabyldaý kerektigin aıtty.

Beıjiń bıligi qalaǵa kirýdi qıyndatty. Ózge óńirlerden kelgender mindetti túrde PTR test tapsyrýǵa tıis. Kóptegen qoǵamdyq oryndar jabylǵan. Bul – kovıdke qarsy Qytaıdaǵy eń qatal shekteýlerdiń biri bolyp otyr.