Prezıdentti ulyqtaý rásimi ótip, Q.Toqaev resmı túrde 7 jyldyq merzimine kiristi.

Konstıtýsıanyń 42-babyna sáıkes, Qasym-Jomart Toqaev Qazaqstan halqyna ant berdi.

– Qazaqstan halqyna adal qyzmet etýge, Qazaqstan Respýblıkasynyń Konstıtýsıasy men zańdaryn qatań saqtaýǵa, azamattardyń quqyqtary men bostandyqtaryna kepildik berýge, Qazaqstan Respýblıkasy Prezıdentiniń ózime júktelgen mártebeli mindetin adal atqarýǵa saltanatty túrde ant etemin!, – dedi ol.

Prezıdent ulyqtaý rásiminde saılaýdaǵy jeńisti toılaýǵa ýaqyt joǵyn, alda atqarylýǵa tıis sharýa kóp ekenin jetkizip, birden birneshe jarlyqqa qol qoıatynyn málim etti.

Artynsha Aqordanyń baspasóz qyzmeti prezıdent qol qoıǵan jarlyqtardy jarıalady:

♦«Qazaqstan Respýblıkasynyń aýyldyq aýmaqtaryn damytýdyń 2023-2027 jyldarǵa arnalǵan tujyrymdamasy týraly» Jarlyq.

♦«Qazaqstan Respýblıkasy Prezıdentiniń «Ádiletti Qazaqstan: bárimiz jáne árqaısymyz úshin. Qazir jáne árdaıym» saılaýaldy baǵdarlamasyn iske asyrý jónindegi sharalar týraly» Jarlyq.

♦ «Zańsyz shyǵarylǵan aktıvterdi memleketke qaıtarý jónindegi sharalar týraly» Jarlyq.

♦«Qazaqstan Respýblıkasy Parlamenti Senatynyń depýtattaryn saılaýdy 2023 jylǵy 14 qańtarǵa taǵaıyndaý týraly» Jarlyq.

♦ «Qazaqstan Respýblıkasy Joǵary aýdıtorlyq palatasynyń keıbir máseleleri týraly» Jarlyq.

♦«Qazaqstan Respýblıkasynyń Prezıdentine tikeleı baǵynatyn jáne esep beretin memlekettik organdardyń basshylary týraly» Jarlyq.

♦«Astana, Almaty, Shymkent qalalarynyń jáne oblystardyń ákimderi týraly» Jarlyq.