Qazgıdromet 29 qarasha 1 jeltoqsanǵa arnalǵan aýa raıy boljamyn jarıalady.

Sınoptıkterdiń málimetinshe, 29-30 qarashada eldiń shyǵys aımaqtary soltústik antısıklonnyń yqpalynda bolyp, aıaz kúsheıedi. Ózge óńirlerde de kún sýytady.

30 qarasha – 1 jeltoqsanda respýblıkanyń basym bóligi ońtústik sıklonnyń yqpalynda bolyp, jaýyn-shashyn, aýa temperatýrasynyń joǵarylaýy kútiledi. Respýblıka boıynsha ońtústikte, ońtústik-shyǵysta jel kúsheıip, tuman, kóktaıǵaq, soltústikte, shyǵysta, ortalyqta burqasyn bolady.

Batysta 5-15 gradýs, soltústik-batysta 10-28 gradýs, soltústik oblystarda 15-25 gradýs aıaz bolady. Ortalyqta 15-25 gradýs nólden tómen. Eldiń shyǵysynda kezeńniń basynda aýa temperatýrasy 33-43 gradýsqa deıin tómendep, kezeńniń sońynda synap baǵany 20-30 aıazdy kórsetedi dep kútilip otyr.