Májilis tóraǵasy Erlan Qoshanov kýlýarda tuńǵysh prezıdent týraly zańnyń kúshin joıý jóninde pikir bildirdi, dep jazady Ulysmedia.kz.

"Tuńǵysh prezıdent týraly zańnyń kúshi joıylsa, onda atalǵan zańda qarastyrylǵan búkil ımýnıtet (Nazarbaevtyń) joıylady. Kúshinde bolmaıdy", - dedi Erlan Qoshanov.

Eske sala ketsek, Májilis búgin "Qazaqstan Respýblıkasynyń Tuńǵysh Prezıdenti – Elbasy týraly" Qazaqstan Respýblıkasy Konstıtýsıalyq zańynyń kúshi joıyldy dep taný týraly" QR Konstıtýsıalyq zańynyń jobasyn qaraýǵa alǵan edi.

Atalǵan zań jobasy respýblıkalyq referendým qorytyndylary boıynsha el Konstıtýsıasyna engizilgen ózgeristerdi iske asyrý maqsatynda ázirlengen

Atap aıtatyn bolsaq, 8 maýsymdaǵy Zańmen Konstıtýsıaǵa engizilgen túzetýlerge sáıkes Qazaqstannyń Tuńǵysh Prezıdentiniń mártebesi men ókilettigi Respýblıka Konstıtýsıasymen jáne konstıtýsıalyq zańmen aıqyndalady degen normany kózdeıtin Ata Zańnyń 46-baby 4-tarmaǵy alynyp tastaldy.

Osyǵan baılanysty, bul zań jobasymen quqyqtyq negizdiń joqtyǵyn eskere otyryp, tıisti Konstıtýsıalyq zańnyń kúshin joıý kózdeledi.