Qazgıdromet demalys kúnderi el aýmaǵynyń basym bóliginde aýa temperatýrasy tómendeıtinin habarlady.

Atlantıkalyq sıklon jáne onymen baılanysty atmosferalyq fronttar shyǵysqa qaraı baıaý jyljýynan aýa-raıy turaqsyz bolyp, eldiń basym aýmaǵynda qar jaýady. Ásirese shyǵysta qar molynan túsip, ońtústikte jańbyr aralas qar jaýady.

"Respýblıka aýmaǵynda burqasyn, kóktaıǵaq, batysta jáne ońtústikte tuman bolady dep boljanýda. Biraq 7 qańtarda sýyq arktıkalyq antısıklon elimizdiń batysyna jyljı bastaıdy, sonymen baılanysty jaýyn-shashynnyń birtindep toqtaýy jáne aýa temperatýrasy batysta, odan keıin elimizdiń qalǵan bóliginde kúrt tómendeýi kútiledi. Termometrlerdiń baǵandary batysta, ortalyqta 20-28 aıazǵa deıin, soltústik-batysta, soltústikte 25-33 aıazǵa deıin, shyǵysta 5-13 aıazǵa deıin, al elimizdiń ońtústiginde 0-10 aıazǵa deıin tómendeýi kútiledi" delingen habarlamada.