Ádilet mınıstrligi "Vkýsno ı tochka" taýar belgisin tirkeý týraly ótinim qaralyp jatqanyn habarlady, dep jazady Interfaks. 

"Reseılik" PBO Júıesi" jaýapkershiligi shekteýli seriktestiginiń Qazaqstanda "Vkýsno ı tochka" taýar belgisin tirkeý jónindegi ótinimi saraptama uıymynyń qaraýynda", delingen mınıstrliktiń habarlamasynda. 

Mınıstrlik málimetinshe, ótinim birneshe aı boıy qaralýy múmkin.

5 qańtarda McDonald's meıramhanalar jelisi Reseıden et ónimderin jetkizýdegi shekteýlerge baılanysty Qazaqstandaǵy jumysyn toqtatatynyn habarlaǵan. Jeli byltyr Ýkraınadaǵy soǵysqa baılanysty Reseıdegi qyzmetin toqtatqan. Al "McDonald’s" restorandary ornalasqan ǵımarattarynda jergilikti "Vkýsno ı tochka" jelisi ashylǵan bolatyn.