Óskemende polıseıler alaıaqtyq jasady degen kúdikpen Tájikstannyń quqyq qorǵaý organdarynan uzaq ýaqyt boıy jasyrynyp kelgen 27 jastaǵy qylmyskerdi ustady, dep habarlady Altaynews.kz basylymy.
2021 jylǵy tamyzda jábirlenýshiniń senimine kirgen kúdikti oǵan Latvıaǵa vıza alýǵa, sondaı-aq, ony kórsetilgen elge jiberýge kómektesýge ýáde bergen.
"Kúdikti jábirlenýshiden 2325 dollar aqsha alǵan. Oǵan qatysty Tájikstan Respýblıkasynyń Soǵdy oblysy İshki ister basqarmasy Tájikstan Qylmystyq kodeksiniń 247-baby 2-bóligi boıynsha qamaýǵa alý túrindegi bultartpaý sharasyn tańdaý arqyly izdeý isin qozǵady" dep túsindirdi SHQO İİD ókilderi.
İzdeýde júrgen er adam jýyrda ustalyp, Tájikstan Respýblıkasyna deportasıalandy.
Pikir qaldyrý