Tirkelmegen "Demokratıalyq partıa" jetekshisi Janbolat Mamaı Ulybrıtanıadan kelgen komısıa múshelerimen kezdesýge baılanysty ótinish jasady. Alaıda sot onyń ótinishin qabyldamaǵan. Bul týraly onyń zaıyby Inga Imanbaı habarlady.

"2022 jylǵy 2 qarashada sot Mamaıdyń bultartpaý sharasyn úı qamaǵyna aýystyrǵan. Janbolat Mamaıǵa jaqyn týystarynan basqa adamdarmen kezdesip, qarym-qatynas ornatýǵa tyıym salynǵan. Sýdıa Elena Kvan sol sebeptermen ótinishti qabyldaýdan bas tartqan. Iá, keshe Ulybrıtanıadan Ken Makdonald bastaǵan komısıa keldi. Komısıa músheleri 19 qańtarda "Qańtar" oqıǵasynda jábirlenýshilermen, jýrnalısermen jáne Janbolat Mamaımen kezdesýdi josparlaǵan bolatyn" dep jazǵan Inga Imanbaı óziniń facebook paraqshasynda.

Sondaı-aq sýdıa Janbolat Mamaı qorǵaýshylarynyń sotty oflaın formatta ótkizý týraly ótinishin de qabyldamaǵan. 

"Janbolat ózin telefon arqyly qorǵaýǵa májbúr. Elimizde koronavırýstyń órshýi jáne pandemıalyq ahýal baıqalmaıdy. Al Janbolat Mamaı sotynyń onlaın túrde ótýine ne sebep ekeni aqylǵa qonymsyz" deıdi Inga Imanbaı.