Reseıdiń Ýkraınaǵa basqynshylyǵyn qoldaıtynyn aıtqan májilis depýtaty Azamat Ábildaev "Aq jol" demokratıalyq partıasy plenýmynyń sheshimi boıynsha partıadan shyǵaryldy. Bul týraly partıanyń baspasóz qyzmeti habarlady.
Partıa tóraǵasy Azat Perýashevtyń tóraǵalyǵymen ótken partıa Ulttyq keńesiniń plenýmynda Azamat Ábildaevtyń jýrnalıske bergen suhbatynda Ýkraınadaǵy soǵys týraly aıtqan sózderi saralanyp, tıisti saıası baǵa berilgen.
"Ulttyq keńes músheleri A.Ábildaevtyń sózderi “Aq jol” partıasynyń pozısıasyna qarama-qaıshy jáne sonymen qatar partıalyq jáne de depýtattyq etıkany da buzyp turǵanyna basa nazar aýdardy. Atap ótý kerek, keshe partıa prezıdıýmy habarlaǵandaı, “Aq jol” partıasy qashan da Respýblıkamyzdyń jáne basqa da dos memleketterdiń táýelsizdigi men jer tutastyǵyn qurmetteıdi jáne qoldaıdy.
Ulttyq keńes sheshimi boıynsha:
- A.Ábildaevty «Aq jol» demokratıalyq partıasynan shyǵarý týraly sheshim qabyldady.
- Osyǵan baılanysty A.Ábildaevtyń depýtattyq mandatyn toqtatý týraly «Aq jol» partıasy Ortalyq saılaý komısıasyna hat joldady" delingen habarlamada.
Pikir qaldyrý