Ortalyq saılaý komısıasy 19 naýryzda aralas júıe boıynsha ótkeli otyrǵan májilis pen máslıhat depýtattaryn saılaý tártibin jarıalady.

♦ Úmitkerlerdi usyný búginnen bastalyp, 8 aqpanda aıaqtalady.

♦ Kandıdattardy tirkeý 18 aqpan kúni Astana ýaqytymen 18.00-de bitedi.

♦ Saılaý aldyndaǵy úgit-nasıhat 18 aqpan kúni saǵat 18:00-de bastalyp, 18 naýryz saǵat 00:00-ge deıin júrgiziledi.

♦ 18 naýryz – tynyshtyq kúni.

♦ 19 naýryz – saılaý kúni.

Májilis bıylǵy saılaýdan bastap aralas júıemen jasaqtalady. 69 depýtat partıalyq tizim boıynsha, 29 depýtat birmandattyq saılaý okrýgy boıynsha saılanady.

Al máslıhat depýtattary oblys, el astanasy men respýblıkalyq mańyzy bar qalalarda jartylaı partıalyq, jartálaı mojarıtarlyq juıemen saılanady.

Birmandattyq saılaý okrýgy qalaı qurylatynyn ázirge aıtylmady.