Qazaqstandyq parashańǵyshy Erbol Hamıtov Shvesıada ótip jatqan álem chempıonatynda altyn medal jeńip aldy dep habarlady "Dene múmkindikteri shekteýli tulǵalarǵa arnalǵan sporttyq daıarlaý ortalyǵy".
Resmı málimetke sáıkes, Hamıtov álem chempıonatyndaǵy sprınt jarysynda top jarǵan. Onyń kórsetkishi - 2:44,23. Ýkraınalyq sportshy Taras Rad márege ekinshi bolyp kelse, úshinshi orynǵa brazılıalyq sportshy Krıstıan Vestmaer Rıbeıra ıe boldy.
Buǵan deıin Erbol álem chempıonatynyń alǵashqy kúni para bıatlonnan qola júldeni jeńip alǵan bolatyn.
Parashańǵy jáne parabıatlonnan álem chempıonaty Shvesıanyń Estersýnd qalasynda ótip jatyr. Jarystar 29 qańtarǵa deıin jalǵasady. Oǵan 18 memleketten 102 sportshy kelgen.
Pikir qaldyrý