Jáńgir han atyndaǵy Batys Qazaqstan Agrarlyq-tehnıkalyq ýnıversıtetiniń  profesory, tehnıka ǵylymdarynyń doktory Sársenbek Montaev «Álemdegi eń bedeldi ǵalymdardyń 2%» (World’s Top 2% Scientists) reıtıńine endi, dep habarlady Aýyl sharýashylyǵy mınıstrliginiń baspasóz qyzmeti.

Elsevier ǵylymı baspasynyń sońǵy málimetterine sáıkes, álemniń eń úzdik ǵalymdarynyń tizimin Stenford ýnıversıtetiniń sarapshylary qurastyrǵan. Reıtıń negizine ǵalymdardyń búkil bıblıometrıalyq málimetteri, mansabyndaǵy barlyq dáıeksózderi alynady.

Sársenbek Montaev keıingi jyldary BQATÝ-da jumys istep jatyr, qazir ýnıversıtettiń Indýstrıaldy-tehnologıalyq ınstıtýtyn basqarady.

Qurylys materıaldaryn óndirýde jańa tehnologıalardy ázirleýshi, sondaı-aq aýyl sharýashylyǵy maqsatyndaǵy jer topyraǵynyń qurylymdyq-mehanıkalyq qasıetterin jaqsartý jónindegi jobanyń basshysy qyzmetin atqarady.