Sárinjipov Nazarbaev qory Jusan dep qurylǵan jeke qarjylyq aktıv esebinen, Nazarbaev Ýnıverıteti men Nazarbaev zıatkerlik mektepterin damytýdy, sol arqyly búdjetke júktemeni azaıtýdy kózdegen" deıdi.

– Alaıda qańtar oqıǵasy boldy da, «Eski Qazaqstannyń» ókilderi bizdiń banktegi aktıvterimizdi zańsyz baqylaýǵa aldy. Eger egjeı-tegjeıli aıtar bolsaq, kezinde Jusan tobyn AQSH-ta tirkelgen qordyń endaýmend qamqorshylyq keńesine kiretin Qazaqstannyń ókilderi baqylaıtyn. Birden túsindireıin, bul qor NÝ men NZM-ti tikeleı qarjylandyrýy kerek bolǵan. Al AQSH-ta tirkelýin damyǵan zańnamamen jáne salyq salasynyń tıimdi júıesimen túsindiremiz, bul bizge halyqaralyq arenada kedergisiz jumys isteýge múmkindik berdi. Alaıda qoldan jasalǵan sebepter boıynsha qazaqstandyqtar qordyń qamqorshylyq keńesinen shyǵyp qaldy, aqyry bank tobyn baqylaý tetigi joǵaldy. Munyń sebebi – otandyq bilim salasyn damytýǵa jáne qoldaýǵa baǵyttalǵan qarajatty basqa baǵytqa paıdalanýǵa jol bermeýge tyrysqanymyzda. Onyń ornyna Jusan Technology holdıńiniń basshylyǵy qarajatty memleket kórsetken kómekti qaıtarmas buryn dıvıdendterdi óteýge jumsamaq bolǵan. Biraq bizdi zańsyz jumystan shyǵardy da, Jusan – qańtar oqıǵasynan keıin Qazaqstannan góri ózderine qaýipsiz sanalatyn basqa memleketke kóship ketken adamdardyń baqylaýyna ótti. Men bul sheshimmen kelispeıtinimdi resm túrde aıtqanymdy atap ótkim keledi, – dedi ol.

Nazarbaev qory amerıkalyq qorda Qazaqstannyń ókilderin qalpyna keltirý boıynsha AQSH-qa aryz jiberip, zańsyz tartyp alynǵan aktıvti qaıtarý jónindegi aryzdy da daıyndap qoıǵan.

Byltyr qazan aıynda Jusan Bank qarjy uıymyn eks-prezıdent Nursultan Nazarbaevpen baılanystyrǵan aqparattardy joqqa shyǵarǵan.