Jýrnalıs, QazTAG halyqaralyq aqparattyq agenttiginiń (HAA) negizin qalaýshy Áset Mataev 19 naýryzda ótetin májilis saılaýyna óz kandıdatýrasyn usyndy. Bul týraly ol facebook paraqshasynda jarıalady.

– Qaıǵyly qańtar oqıǵasynyń keıin jarty jyl ótken soń meniń ómirim kútpegen jerden basqa arnaǵa buryldy. Buǵan deıin birneshe dúrkin tabandy túrde talap etsek te, taýymyzdy shaǵyp, sharasyz kúıge túsirgen Joǵarǵy Sot ákem Seıitqazy Mataev ekeýimizdi aqtap shyǵardy. Táýelsiz Qazaqstan tarıhynda tuńǵysh ret Joǵarǵy Sot memleket atynan bizdi zańsyz sottaǵany úshin keshirim surady. Saıası astary bar osy qylmystyq is Bas prokýratýra qyzmetkerleriniń muqıat qaraýynan keıin joıylyp, qazir ol Joǵarǵy Sot búlleteninde negizsiz sotty bolyp, úkim shyǵarýdyń mysaly retinde jarıalanyp júr. Men osy sátten bastap Ádiletti Qazaqstannyń rýhyn shynaıy sezindim. Men úshin Ádiletti Qazaqstan – adam quqyǵy men zań ústemdigi bárinen bıik turatyn ádiletti memleket, ádiletti qoǵam. Iaǵnı, barlyq adamnyń quqyǵy zańmen qorǵalyp, qylmys aıaýsyz jazalanýy tıis, – deıdi Mataev.

Ol atap ótkendeı, sońǵy aılarda onyń atyna memlekettik organdardyń zańsyz is-áreketterine qatysty halyqtan kóp shaǵym túsetin bolǵan. Ol ótinish-shaǵymdardyń barlyǵy da jan-jaqty tekserýdi qajet etedi.

Jýrnalıs kez kelgen máseleniń sońǵy sheshimin prezıdenttiń moınyna ilip qoıý durys emes dep sanaıdy.