Osy ýaqytqa deıin 13 000 birlik qum salynǵan qap tóselgen. Jumysqa Qorǵanys mınıstrliginiń kúshteri men quraldarynan 430-dan astam adam, 70-ke jýyq birlik tehnıka, 43 motopompa jumyldyrylǵan.
"TJD kúshimen Kentaý qalasyndaǵy Qarnaq aýylynyń, Saýran, Báıdibek aýdandarynyń sý basqan aýla aýmaǵynan 204 adam, onyń ishinde 111 bala evakýasıalandy, 201 usaq mal qaýipsiz jerge aıdaldy. Halyqty evakýasıalaý jáne ýaqytsha ornalastyrý úshin jergilikti atqarýshy organdar Saýran aýdanynda 4 evakýasıalaý pýnktin daıyndady. Oblystyq jáne respýblıkalyq jedel shtabtar qyzmet kórsetýde. Oblystyq jáne respýblıkalyq jedel shtabtar bazasynda «Jedel jeli» telefony ashyldy" delingen habarlamada.
"Qazgıdromet" 3 aqpanda oblystyń basym bóliginde jaýyn-shashyn jaýyp, kúnniń jylynýynan ózenderdegi sý deńgeıiniń kóterilýi múmkin ekenin habarlady.
