Jylyna 4 paıyzben avtonesıeleý baǵdarlamasyna ótinim qabyldaıtyn portal iske qosylmaı jatyp, isten shyqty.
Portal arqyly búgin saǵat 10:00-den bastap ótinim qabyldaý bastalýy kerek bolǵan. Alaıda qoldanýshylar prosedýralarda qate shyǵyp jatqanyn, keıde tipti keı operasıalar múlde joǵalyp ketkenin aıtady.
Bastapqyda qateniń deni portalǵa tirkelip, prosedýrany aıaqtaý sátinde týyndaǵan. Áreketti qaıtalaý kezinde avtodıllerdi tirkeý opsıasy joǵalyp ketken.
Al keı qoldanýshylar 10:00-de kirgenniń ózinde ótinim qabyldaýǵa lımıt taýsylyp qalaǵany jazylǵan tereze shyǵyp, komandany jalǵastyrý múmkin bolmaǵan.
Portalǵa tek 761 adam ótinim qaldyra alady. Óıtkeni bul jolǵy baǵdarlama búdjeti osyǵan deıin kólik alǵan azamattardyń aı saıynǵy tóleminen jınalǵan somaǵa teń. Búginde kredıt tólemderi boıynsha 7,6 mlrd teńge jınalǵan, ol 761 adamdy qamtıdy dep boljanyp otyr.
Pikir qaldyrý