Qor málimetinshe, alǵashqy mınýtta portaldaǵy qoldanýshylar sany 125 myń adamdy qurap, lımıt 18 sekýndta tolyp ketken. Portal júıesi túsken júktemeni kótergen. Tek 761 adamnan qujat qabyldanǵannan keıin ótinim qabyldaý avtomatty túrde jabylǵan.
Kelesi ótinim naýryz aıynda, odan keıin aı saıyn qabyldanady dep kútilip otyr.
Búgin jylyna 4 paıyzben avtonesıeleý baǵdarlamasyna ótinim qabyldaıtyn portal iske qosylmaı jatyp, isten shyqty. Portal arqyly 10:00-den bastap ótinim qabyldaý bastalýy kerek bolǵan. Alaıda qoldanýshylar prosedýralarda qate shyǵyp jatqanyn, keıde tipti keı operasıalar múlde joǵalyp ketkenin aıtady.
Al keı qoldanýshylar 10:00-de kirgenniń ózinde ótinim qabyldaýǵa lımıt taýsylyp qalaǵany jazylǵan tereze shyǵyp, komandany jalǵastyrý múmkin bolmaǵan.
Portalǵa tek 761 adam ótinim qaldyra alady. Óıtkeni bul jolǵy baǵdarlama búdjeti osyǵan deıin kólik alǵan azamattardyń aı saıynǵy tóleminen jınalǵan somaǵa teń. Búginde kredıt tólemderi boıynsha 7,6 mlrd teńge jınalǵan, ol 761 adamdy qamtıdy dep boljanyp otyr.
Áleýmettik jelide portal jumysynyń kidiristi kózboıaýshylyqqa sanap, jeńildetilgen nesıe tizimi áldeqashan jasalyp qoıylǵan dep tuspaldap jatqandar kóp.
