Bas prokýratýranyń baspasóz qyzmeti Polshadan Qazaqstanǵa qarjy pıramıdasy jetekshileriniń biri ekstradısıalanǵanyn málim etti.

"Ol 2018-2020 jyldar aralyǵynda bótenniń múlkin jymqyrý maqsatynda qarjy pıramıdasynyń jetekshileriniń biri bola tura, azamattardyń aqshalaı salymdaryn jalǵan jobalarǵa tartýdyń qylmystyq sqemasyn uıymdastyryp, úlken qyzyǵýshylyq tólem jasaý elesin qalyptastyrǵan degen kúdikke ilingen. Uıymdasqan top músheleriniń qylmystyq áreketteriniń nátıjesinde zardap shekken 1345 jábirlenýshige 6,3 mıllıard teńgeden astam shyǵyn keltirilgen" delingen habarlamada.

Prokýratýra habarlamasynda kúdikti QI Trade Kazakhstan qarjy pıramıdasynyń basshysy retinde aıtylady. 

Kúdikti qylmystyq qýdalaý organdarynan jasyrynyp, oǵan halyqaralyq izdeý jarıalanǵan. Bas prokýratýra, İshki jáne Syrtqy ister mınıstrliginiń birlesken jumysynyń arqasynda kúdikti K. esimdi azamat Qazaqstanǵa ekstradısıalyp, Astanadaǵy ýaqytsha ustaý ızolátoryna qamalǵan. Atalǵan aıyp boıynsha 5 jyldan 12 jylǵa deıin bas bostandyǵynan aıyrý jazasy qarastyrylǵan.

Polsha izdeýde júrgen adamdy Qazaqstanǵa alǵash ret ekstradısıalap otyr.