Joǵarǵy sot Astananyń burynǵy ákimderiniń biri Ádilbek Jaqsybekovtyń balalar úıiniń tárbıelenýshisin úı kezegine qoıýdan bas tartýy zańsyz dep tanylǵanyn habarlady.
Joǵarǵy sot málimetinshe, jábirlenýshi 1995 jyldan bastap Aqmola oblysy Sandyqtaý aýdany Sandyqtaý aýylyndaǵy balalar úıinde tárbıelenip kelgen. 2005 jylǵy sáýirde balalar úıiniń dırektory Astana ákimine tárbıelenýshisin memlekettik turǵynúı qor esebinen nemese turýǵa jaraıtyn ózge baspanamen qamtý jóninde hat joldaǵan. Ol kezde qalany Ómirzaq Shúkeev basqaryp turǵan.
2014 jylǵy 26 jeltoqsanda astana ákimdigi tárbıelenýshiniń turǵyn úıge muqtajdardy esepke qoıý týraly ótinishin qarap, oǵan qalada turaqty tirkelý týraly málimetterdi usyný qajettigi týraly habarlaǵan. Osy másele boıynsha talapker jaýapkerge birneshe ret júginip, ózin úı kezegine qoıýdy qalpyna keltirý úshin negiz degen jaýap alǵan.
Alaıda Joǵarǵy Sottyń ákimshilik ister jónindegi sot alqasy jergilikti sottardyń sot aktilerin kúshinde qaldyryp, talapkerdi turǵyn úıge muqtajdardy esepke qoıý quqyǵyn qalpyna keltirýden bas tartýǵa negizderdiń joqtyǵyn atap ótti.
Pikir qaldyrý