Memleket basshysy Qasym-Jomart Toqaev Elbasy týraly zańnyń kúshin joıatyn Konstıtýsıalyq zańǵa qol qoıdy, dep habarlady Aqordanyń baspasóz qyzmeti.
"Memleket basshysy «Qazaqstan Respýblıkasynyń tuńǵysh prezıdenti – Elbasy týraly» Qazaqstan Respýblıkasy konstıtýsıalyq zańynyń kúshi joıyldy dep taný týraly» Qazaqstan Respýblıkasynyń Konstıtýsıalyq zańyna qol qoıdy", delingen habarlamada.
11 qańtarda Konstıtýsıalyq sot Elbasy týraly Zańnyń kúshi joıyldy dep taný týraly qaýly shyǵarǵan. 13 qańtarda parlament palatalardyń birlesken otyrysynda zań biraýyzdan qabyldandy.
Jańa zańǵa sáıkes, Nursultan Nazarbaev "Elbasy" mártebesinen jáne osyǵan baılanysty artyqshylyqtardan aıyrylady.
Dese de Nazarbaev prezıdentter týraly zańǵa saı, prezıdent laýazymy kezindegi is-áreketteri úshin jaýarkershilikke tartylmaıdy jáne onyń ar-namysy men qadir-qasıetine qol suǵýǵa bolmaıdy. Budan bólek oǵan prezıdent jalaqysynyń 80%-y mólsherinde zeınetaqy tólenedi. Sondaı-aq memleket esebinen páter, kúzet, kólikpen, qamtamasyz etiledi. El boıynsha tegin júrip-turyp, medısınalyq qyzmet pen sanatorıı-kýrorttyq oryndar qyzmetin tegin paıdalanady.
Pikir qaldyrý