Saıasatker, jýrnalıs, "Dat" gazetiniń jetekshisi Ermurat Bapı majorıtarlyq tártip boıynsha májilis saılaýyna kandıdat kýáligin aldy.

Kandıdat saılaýǵa Almaty qalasynan túskeli otyr.

Ermurat Bapı 1959 jyly 7 naýryzda Shyǵys Qazaqstan oblysy Zaısan aýdany Qarabulaq aýylynda dúnıege kelgen.

1985 jyly QazMÝ-di bitirgen. Eńbek jolyn 1976 jyly Zaısan aýdany "Dostyq" gazetinde tilshi bolyp bastaǵan.

Ýnıversıtetti bitirgennen keıin "Komýnızm týy" gazetinde tilshi, aǵa tilshi, bólim meńgerýshisi, "Sosıalısik Qazaqstan" gazetinde tilshi, aǵa tilshi, Qazaq radıosy bas dırektorynyń orynbasary, komersıalyq jáne tapsyrystyq baǵyttaǵy baǵdarlamalar redaksıasynyń jetekshisi bolǵan.

1995-1997 jyldary QR Premer mınıstriniń baspasóz qyzmeti jetekshisiniń orynbasary, 1998-1999 jyldary "Reforma" ortalyǵynyń konsýltanty qyzmetterin atqarǵan.

Sońǵy 25 jylǵa jýyq ýaqytta opozısıalyq gazet shyǵarýmen aınalysady. Kásibı qyzmeti úshin túrli qylmystyq, talaı márte ákimshilik isterge tartylyp, jirnalıstik qyzmetpen shuǵyldanýyna shekteý qoıylǵan. Sonyń saldarynan basylym ataýyn birneshe ret ózgertýge týra kelip, shekteýdi aınalyp ótýdiń túrli tásilderin tapqan.

Birshama ýaqyt opozısıalyq Jalpyulttyq sosıal-demokratıalyq partıaǵa jetekshilik etken.