«AMANAT» partıasynyń Respýblıkalyq saılaýaldy shtaby óńirlerde saılaýshylarmen kezdesýdi bastady. Shtab músheleri birinshi Túrkistan oblysynda boldy.

Túrkistanda zıaly qaýymmen kezdesý ótti. Júzdesýde partıanyń «Halyqpen birge!» saılaýaldy baǵdarlamasynda kórinis tapqan rýhanı qundylyqtar máselesine, ulttyq mádenıet pen shyǵarmashylyq adamdaryn qoldaý jónindegi sharalarǵa erekshe nazar aýdaryldy.

«Halyq úshin sizderiń oı-pikirlerińiz erekshe mańyzdy. Sondyqtan alǵashqy kezdesýdi ózderińizben ótkizip otyrmyz. Sizder memleket pen qarapaıym halyq arasyndaǵy altyn kópir ispetti árdaıym ádilettilik pen týralyqtyń jaqtaýshysy bolyp kelesizder. Qoǵam tynysynyń tamyryn tap basyp, kóptegen másele boıynsha óz oılaryńyzdy ashyq jetkizesizder. Bul Ádiletti Qazaqstan qurý úshin asa mańyzdy», - dedi Respýblıkalyq saılaýaldy shtabtyń basshysy Erlan Qoshanov.

Partıa Tóraǵasy mádenıet qaıratkerleriniń qoǵamdaǵy erekshe bedelin eskere otyryp, «AMANAT»-tyń partıalyq tizimderin jasaý barysynda shyǵarmashylyq adamdaryn – belgili aıtyskerlerdi, jazýshylardy, jýrnalıserdi tizimge qosýǵa erekshe nazar aýdarǵanyn atap ótti.

Partıa jyl saıyn úsh júz mádenıet nysanyn salý jáne jańǵyrtýdy qamtamasyz etýdi josparlap otyrǵany aıtyldy. Onyń ishinde teatrlar, kitaphanalar, komýnıkasıalyq, bilim berý jáne demalys ortalyqtary bar. Mádenıet, muraǵat jáne kitaphana qyzmetkerleriniń jalaqysy eki esege arttyrylady.

Budan soń shtab músheleri Kentaýda qalalyq JEO-5 ujymymen kezdesti. 1952 jyly iske qosylǵan jylý energetıkalyq torap búginde 14 myńǵa jýyq abonentti qamtamasyz etedi.

Partıalyqtar elimizdegi TKSH-ınfraqurylymyn aýqymdy jańǵyrtýdy qamtamasyz etýge nıetti ekenin atap ótti. Partıanyń saılaýaldy baǵdarlamasynda eńbek adamynyń múddelerine erekshe nazar aýdarylyp otyr. Atap aıtqanda, jalaqyny ósirý, medısınalyq kómekti jaqsartý, eńbek quqyǵyn qorǵaý sıaqty basqa da sharalar qamtylǵan.

Osy kúni shtab músheleri sý tasqynynan zardap shekken Saýran aýdanynyń Shaǵa aýylyna bardy. Turǵyndarmen kezdesýde partıalyqtar saılaýaldy baǵdarlamada kórsetilgen aýyldaǵy ómir súrý sapasyn arttyrý sharalaryna erekshe toqtaldy.  

Partıalyqtar aýyldardy taza aýyz sýmen qamtamasyz etýge kúsh salady. Aýyl turǵyndaryn maýsymdyq sel júrý qaýpinen, sý tasqynynan qorǵaý jáne gıdrotehnıkalyq qurylystar júıesinde tártip ornatý mindeti qoıylady.

RQSH músheleri bazarǵa baryp, saılaýshylarmen jastardyń problemalary jáne olardyń bolashaqta óz jolyn tabýyna qatysty partıa usynǵan sharalardy talqylady. Jalpy, «AMANAT»-tyń kandıdattary, partıa belsendileri óńirde agrarshylarmen, muǵalimdermen, dárigerlermen, erekshe qajettilikteri bar adamdarmen ondaǵan kezdesý ótkizdi.

Daıyndaǵan: "AMANAT" partıasynyń baspasóz qyzmeti

Tapsyrys berýshi: M.J. Ospanov

“AMANAT” partıasynyń saılaý qory qarajaty esebinen tólendi.