Búgin aqyn Jambyl Jabaevtyń týǵanyna 147 jyl toldy.

Halyq arasynda Jambyl shala týǵandyqtan atasy tymaqqa salyp, keregege ilip ósirgen desedi. Qazir ǵasyr jasaǵan aqynnyń jasyn bersin degen nıetpen jańa týǵan nárestege «Jambyldyń jasyn bersin!» dep bata-tilek aıtyp jatady.

Bir qyzyǵy HH ǵasyrdyń Gomeri atanǵan aqyn hat tanymaǵan. Óleń-jyr kókeıine kelgende tógip qalyp otyrǵan.

El ishindegi tóreler men baılardy, moldany synaǵan jyrlary tez tarap, aýyzǵa ilige bastaıdy. Jastaıynan Súıinbaıdy pir tutyp, batasyn alǵan. Sýyryp-salmalyǵymen aty shyqqan Qulan aıan Qulmatbetpen aıtysyp jeńgennen keıin Jambyl jyr alyptarymen ıyq teńestire bastaǵan.

Túsinde qyzyl jolbarys kórgennen keıin "tańdaıyma jyr qondy" degen aqyn dúnıe salar shaǵynda "jolbarysym taýyna qaıtty, meniń de ýaqytym keldi" dep ólimin boljasa kerek-ti.

Keıinnen Shyńǵys Aıtmatov "Jambyldyń jolbarysy maǵan keldi, qazaqtan týma talant shyqqanda eline qaıtady" dep aıtypty qaljyń-shyny aralas.

Alaıda Jambyldan keıingi aqyndar Jambyldyń jolbarysy jaıly sóz qozǵamaǵan. Bálkim jyr jolbarys qyrǵyz taýyn áli mekendep júrgen bolar?!