«AMANAT» Respýblıkalyq saılaýaldy shtabynyń músheleri Qostanaı oblysynyń Arqalyq qalasynda saılaýshylarymen birqatar kezdesý ótkizdi.

Aldymen qala jurtshylyǵymen kezdesý ótip, oǵan 300-den astam adam qatysty. Shtab músheleri partıanyń saılaýaldy baǵdarlamasyndaǵy óńirlerde áleýmettik jáne komýnaldyq ınfraqurylymdy damytýǵa baǵyttalǵan negizgi basymdyqtar týraly aıtty.

«El aýmaǵyndaǵy monoqalalardyń problemalary bir-birine uqsas. Halyq kóship jatyr, ınjenerlik jeliler men joldardyń tozyǵy jetken. Bilim jáne medısına salalarynda da sheshilmegen máseleler bar. Azamattardyń usynys-pikiriniń negizinde partıa árbir óńir úshin jeke saılaýaldy baǵdarlama ázirledi. Onda jol sapasyn jaqsartýǵa, áleýmettik ınfraqurylymdy damytýǵa, ınternetpen qamtamasyz etýge baǵyttalǵan jáne basqa da júıeli sharalar qamtyldy», - dep atap ótti «AMANAT» tóraǵasy Erlan Qoshanov.

Ol Arqalyqty damytý maqsatynda Úkimet keshendi jospar ázirlegenin jáne partıa qala turǵyndarymen birlesip onyń iske asyrylýyna qoǵamdyq baqylaýdy qamtamasyz etýi tıis ekenin atap ótti.

Budan soń shtab músheleri Arqalyq jylý energetıkalyq kompanıasynyń eńbek ujymymen kezdesip, tozyǵy jetken komýnaldyq jelilerdiń jaı-kúıin talqylady. 2027 jylǵa deıin partıa 40 shaqyrym elektr jáne sý qubyry jelilerin, sondaı-aq 65 shaqyrym káriz jelilerin qaıta jańartýdy qamtamasyz etedi.

Jalpy elimiz boıynsha TKSH ınfraqurylymyn aýqymdy jańǵyrtý iske qosylady. Energetıka salasyn basqarýdy reformalaý jalǵasady. Tıimdilik pen ınvestısıalyq tartymdylyqty arttyrý arqyly jeliler men nysandardy odan ári jańartýǵa jol ashý josparlanýda.

Osy kúni shtab músheleri shaǵyn jáne orta bıznes ókilderimen de júzdesti. Partıalyqtar bıznesti júrgizý boıynsha qarapaıym erejelerdi qamtamasyz etýge kúsh salatynyn atap ótti. 2027 jylǵa deıin kem degende 15 myń artyq retteýshi kedergi joıylady. Zańnama deńgeıinde ekonomıkadaǵy monopolıany joıý jáne adal básekelestikti damytý jumysy júrgiziledi.

Sondaı-aq shtab músheleri qalany aralap, Arqalyqtyń qazirgi jaıymen, onyń ishinde áleýmettik nysandardy abattandyrý jáne salý barysymen tanysty.

Daıyndaǵan: "AMANAT" partıasynyń baspasóz qyzmeti

Tapsyrys berýshi: M.J. Ospanov

"AMANAT" partıasynyń saılaý qory qarajaty esebinen tólendi.