Qamshy.kz aqparattyq agenttigi búgingi kúnniń eń mańyzdy jańalyqtaryn oqyrman nazaryna usynady. 

Qazaqstan jańalyqtary

Entonı Blınken: Qytaıdyń Reseıge qarý-jaraq jetkizýine alańdaýlymyz

Astanada ótken brıfıńte AQSH-tyń memlekettik hatshysy Entonı Blınken Reseıge qarsy sanksıalardyń kúsheıtilgenin aıtty. Ol Qytaı men Reseıdiń áriptestigine jáne Ýkraınaǵa qarsy soǵysta Qytaıdyń qarý-jaraqty jetkizý yqtımaldylyǵyna alańdaýly ekenin jetkizgen. 

Reseı azamattyǵyn alǵan zeınetker eki memleketten de zeınetaqy alyp kelgen

Qos azamattyǵy bar zeınetker 12 mln teńge tóleýge mindetteldi. Ol Qazaqstanda 1995 jyly zeınetke shyqqan. Keıin 2000 jyly Reseı azamattyǵyn alǵan. Búginge deıin Reseı men Qazaqstannan zeınetaqy alyp kelgen. Alaıda aıyptalýshy sot úkimine shaǵymdandy. Onyń pikirinshe, qos azamattyq zeınetaqyny qaıtarýǵa sebep emes. 

AQSH Toqaevtyń saıası reformalaryn qoldaıdy

Bul týraly AQSH-tyń memlekettik hatshysy Entonı Blınkenniń sapary aıaqtalǵannan keıin Syrtqy ister mınıstrligi habarlady. 

"Elder arasyndaǵy, ásirese yntymaqtastyqtyń ekonomıkalyq jáne ınvestısıalyq salalaryndaǵy qatynastardyń barlyq keshenin odan ári jandandyrýǵa úmit bildirildi", delingen habarlamada. 

Astanadan shyǵatyn joldardyń barlyǵy jabyldy

"QazAvtoJol" habarlamasy boıynsha, Astananyń tas joldary aýa raıynyń nasharlaýyna jáne qatty kóktaıǵaqqa baılanysty jabylǵan. İshki ister mınıstrligi de Astana turǵyndaryn alys jolǵa shyqpaýǵa shaqyrdy. 

Álem jańalyqtary

Grekıada eki poıyz soǵysyp, 26 adam qaza tapty

Grekıanyń Larısa qalasyna jaqyn aımaqta júk poıyzy men jolaýshylar poıyzy soǵysyp, 16 adam qaza tapty. Apattan kemi 85 adam jaraqat alǵan. Qazir jedel qutqarý jumystary júrgizilip jatyr. Ázirge atalǵan apatqa ne sebep bolǵany belgisiz. Beıresmı derekterde jolaýshylar poıyzynda 350 adam bolǵan. 

Túrkıadaǵy Malatıada bolǵan jer silkinisinen 110 adam zardap shekken

27 aqpanda Túrkıanyń Malatıa provınsıasynda 5,6 baldyq jer silkinisi bolǵan edi. Atalǵan zilzaladan 110 adamnyń zardap shegip, 29 turǵyn úıdiń qulaǵany habarlandy. Úıindi astynan 32 adam qutqarylǵan.