Búginnen bastap bankrottyqqa ótinim qabyldaý bastalady. Erlan Qarın reseılik mınıstrmen kezdesti. Nıderlandta Reseı konsýlyn "qýyp shyqty". Bul týraly tolyǵyraq Qamshy.kz aqparat agenttigi habarlaıdy. 

Qazaqstan jańalyqtary

Aqtaý ákimine aıyppul salyndy

Aqtaý ákimdiginiń Aqtaýdaǵy jer ýchaskesiniń nysanaly maqsatyn qoldanystaǵy "sharýashylyq blogyn ornalastyrý jáne paıdalaný úshin" "turǵyn úı kesheniniń qurylysyna"ózgertý týraly sheshim qabyldamaýy aqshalaı óndirip alýǵa sebep bolǵan. Nátıjesinde, oǵan 172 500 teńge kóleminde aıyppul salynǵan. 

Bankrottyqqa ótinim qabyldaý bastaldy

Bankrottyq rásimderdiń 3 túri engizildi. Olar – sottan tys bankrottyq, sot arqyly bankrottyq jáne tólem qabilettiligin qalpyna keltirý. Atalǵan rásimderge tek qaryz alýshynyń ózi bastamashy bola alady, ıaǵnı kredıtordyń boryshkerdi bankrot dep jarıalaý jaıly ótinish berýge quqyǵy bolmaıdy.

Mańǵystaý oblysyndaǵy aýyl taǵy da sýsyz qaldy

Mańǵystaý oblysy Atameken aýylynyń turǵyndary sýsyz qaldy. Sý jetkizýshisiniń zaýyttarǵa qaryzy bolǵandyqtan aýyl sýsyz qalǵan. Sondaı-aq, aýdannyń sý qubyry jelileri jartylaı tozǵany anyqtaldy. 

Erlan Qarın Reseıdiń Mádenıet mınıstri Olga Lúbımovamen kezdesti

Kezdesýde eki el arasyndaǵy óner jáne mádenı yntymaqtastyq máseleleri talqylandy. Memlekettik keńesshi Qazaqstan men Reseı arasyndaǵy mádenı qarym-qatynastardyń mańyzy jóninde atap ótti.

Álem jańalyqtary

Eýroodaq elderi gazdy birlesip satyp alýǵa kirispek

Bul shara energetıkalyq daǵdarystan shyǵý úshin qolǵa alynyp otyr. Jospar - EO-ǵa múshe elderdiń suranysyn biriktirý jáne ony halyqaralyq jetkizýshilerdiń usynystarymen salystyrý. Bul gaz baǵasynyń tómendeýine ákeledi jáne shaǵyn elderge jahandyq básekelestikke kómektesedi dep kútilip otyr. 

Nıderlandta Reseıdiń qurmetti konsýly ókildigin jabýǵa májbúr boldy

Reseıdiń qurmetti konsýly Konstantın van Floten aqpannyń basynan bastap konsýldyqty ornalastyrǵan eldiń ońtústigindegi Landgraftaǵy Straıtagen saraıynyń rezıdensıasynan ketýge májbúr boldy. Konsýl jergilikti BAQ-qa bergen suhbatynda Reseı agresıasyn «bitimgershilik mısıasy» dep atady.   Osydan keıin konsýldyqty belsendiler talqandap, Maastrıhttegi ýkraın bosqyndary van Flotenge qarsy narazylyq tanytty.

2023 jyldyń aqpanynda van Floten konsýldyqty Landgraftaǵy saraıyna ornalastyrdy.