Qyzylorda oblysy ákimdigi Aral teńiziniń deńgeıi 2022 jyldyń qazan aıymen salystyrǵanda 48 santımetrge artqanyn habarlady.

Byltyr jyl boıy Aral teńizine 816 mıllıon tekshe metr sý quıylsa, 2023 jylǵy eki aı ishinde 803 mıllıonǵa jetken. 

"Aral-Syrdarıa baseındik ınspeksıasy basshysynyń mindetin atqarýshy Zeınýlla Qaztoǵanov habarlaǵandaı, osy ýaqytqa deıin Soltústik Aral teńizine jınalǵan sý kólemi 27,0 mlrd.tekshe metrden, 18,5 mlrd tekshe metrge azaıyp, sý deńgeıi 40,42 mBJ (metr Baltyq júıesimen) deıin tómendegen bolatyn. 2022 jyldyń qazan aıynan bastap búgingi tańǵa teńizdegi sý deńgeıi 40,90 mBJ (48 santımetr) kóterilip, jınalǵan sý kólemi 19,7 mlrd tekshe metrge ulǵaıdy", – delingen ákimdiktiń habarlamasynda.