Endi qoǵamdyq orynda balaǵat sóz aıtqandar 69 myń aıyppul tóleıdi. Qytaı jaqyn arada Taıvanǵa basyp kirýi múmkin. Bul týraly tolyǵyraq Qamshy.kz aqparat agenttigi habarlaıdy. 

Qazaqstan jańalyqtary

Qaraǵandy oblysynda qylmystyq top músheleri ustaldy

Top músheleri zańsyz qarý-jaraq paıdalanyp, qylmystyq shabýyldar uıymdastyrǵan. Top quramynda burynǵy tártip saqshylary men kúzetshiler de bar ekeni anyqtaldy. 40 aıyptalýshy polısıa bólimshesine jetkizilip, qalǵandaryna jedel izdestirý sharalary jalǵasýda.

Qoǵamdyq orynda balaǵat sózder aıtqandarǵa salynatyn aıyppul 4 esege ósti

Endi qoǵamdyq oryndarda balaǵat sóz aıtqandar 69 000 teńge aıyppul tóleıdi (buryn 17 250 teńge bolatyn) nemese 15 kúnge qamaýǵa alynady. Ózgerister 6 naýryzdan bastap kúshine enedi.

Almatyda qar kóshkini bolý qaýpi bar

Tótenshe jaǵdaılar departamentiniń baspasóz qyzmeti 7 naýryzǵa deıin Úlken jáne Kishi Almaty ózenderiniń boıynda qar kóshkini júrýi múmkin ekenin habarlady. Departament Almaty turǵyndaryna taýǵa shyǵýdan bas tartýǵa shaqyrdy. 

Álem jańalyqtary

Bangladeshtegi órt bolyp, myńdaǵan adam baspanasyz qaldy

Bangladeshtiń ońtústik-shyǵysyndaǵy rohındja bosqyndarynyń lagerinde bolǵan órtten myńdaǵan adam baspanasyz qaldy. Jeksenbi kúni tutanǵan jalyn lagerdegi 2000-ǵa jýyq baspanany sharpyǵan. Órttiń shyǵý sebebi belgisiz, zardap shekkender joq.

Grekıadaǵy poıyz apatynan keıin sherýler jalǵasýda

Ótken aptada Grekıada bolǵan poıyz apatynan keıingi sherýler áli de jalǵasýda. Sherýge shyqqandar sany 12 myńǵa jetti. Polısıa aıtýynsha, 7 ofıser jaralanyp, 5 adam qamaýǵa alynǵan. Grekıa premer-mınıstri Kırıakos Mısotakıs poıyz apaty úshin zardan shekkenderdiń otbasynan keshirim surady.

Qytaıdyń áskerı shyǵyndary 7 paıyzǵa artqan

Bul jaıly búkilqytaılyq halyq ókilderiniń jınalysyndaǵy málimdemede aıtyldy. Al AQSH sheneýnikteri Qytaı taıaý jyldary Taıvanǵa basyp kirýi múmkin dep eskertýde. Qazir Qytaı Taıvan tóńireginde áýe jáne teńizde áskerı demonstrasıalar ótkizip jatyr.