Qazaqstanda mindetti beınebaqylaý júıesi ornatý erejeleri bekitildi, dep habarlaıdy bas prokýratýranyń baspasóz qyzmeti. Kameranyń beınejazbalaryn advokattar, jábirlenýshiler, kúdiktiler, aıyptalýshylar, sot jáne basqa organdar dálel retinde paıdalana alady.
"Beınebaqylaý júıeleri jeke gıgıena oryndaryn qospaǵanda, kelýshilerdiń júrý marshrýttary men rejımdik kabınetterdi de qamtıdy. Naqty ýaqyt rejıminde beınejazbalardy qashyqtan qaraýǵa jáne buzýshylyqtardyń jolyn kesý jóninde jedel sharalar qabyldaýǵa quqyǵy bar adamdardyń tizbesi qalyptastyryldy", - delingen resmı habarlamada.
Budan bylaı polısıa ǵımarattary, tergeý ızolátorlar men túrmelerde beınebaqylaý júıesi ornatylýy qajet. Kamera dárethana bólmelerine ǵana ornatylmaıdy. Al qalǵan jerlerge, atap aıtsaq, organ mekemelerine keletin adamdardyń júretin jerlerinde, rejımdik kabınetterge túgel baqylaý kameralary ornatylmaq.
"Bul sharalar Qazaqstan ratıfıkasıalaǵan azaptaýǵa qarsy halyqaralyq aktilerge sáıkes keledi jáne tergeýdiń ruqsat etilmegen ádisterine qarsá baǵyttalǵan”, - dep habarlady Bas prokýratýra
Pikir qaldyrý