Tańǵy sholý: Muǵalimder kúni belgilendi. Lýkashenko sheneýnikterdi ólim jazasyna kesý týraly Zańǵa qol qoıdy

/image/2023/03/10/crop-7_21_667x1185_13670707.jpg

Temirtaý qalasynyń turǵyndaryna 300 mln teńge qaıtaryldy. Lýkashenko sheneýnikterdi ólim jazasyna kesý týraly zańǵa qol qoıdy. Bul týraly Qamshy.kz aqparat agenttigi tolyǵyraq habarlaıdy.

Bıyl 26 naýryzdan bastap Almaty – Ashhabad baǵyty boıynsha turaqty jolaýshylar reısteri qaıta jandanady.

"Túrikmenstan" áýe kompanıasy 2023 jylǵy 26 naýryzdan bastap eki el arasyndaǵy turaqty jolaýshylar reısterin qaıta bastaýdy josparlap otyr", - delingen ındýstrıa jáne ınfraqurylymdyq damý mınıstrliginiń habarlamasynda.

Temirtaý turǵyndaryna 300 mln teńge qaıtaryldy

Temirtaý qalasynda monopolıser halyqtan aqsha jınasa da, komýnaldyq jelide bolǵan aqaýlyqtar úshin qaıta esepteýdi júrgizbegen. Prokýrorlar 120 myń adamnyń aqshasyn qaıtaryp berýdi talap etti.

Prokýratýranyń qadaǵalaý aktisi boıynsha kásiporyn jylýdy paıdalanǵany úshin 120 myń turǵynnyń (118 362 jeke tulǵa jáne 1329 bıznes sýbektisi) shyǵyndaryn qaıta esepteýge mindetteldi. Osylaısha, halyq komýnaldyq qyzmetterdi taǵy 300 mln teńgege paıdalana alady.

Qazaqstanda muǵalimder kúniniń datasy bekitildi

Qazaqstanda pedagogtardyń kásibı merekesi – Muǵalimder kúni endi 5 qazanda atalyp ótedi. El úkimeti tıisti qaýly qabyldady.

Úkimettiń baspasóz qyzmetiniń málimetinshe, memlekettik merekeler tizimine sáıkes, respýblıkada muǵalimder kúni osy ýaqytqa deıin qazan aıynyń birinshi jeksenbisinde toılanyp keldi. Endi bul mereke 5 qazanda álemniń 100-den astam eli atap ótetin Dúnıejúzilik muǵalimder kúnimen sáıkestendirildi.

Álem jańalyqtary

Sı Szınpın úshinshi merzimge QHR basshysy bolyp qaıta saılandy

Jalpyqytaılyq halyq ókilderi jıynynyń (JHÓJ, parlament) depýtattary Sı Szınpındi úshinshi bes jyl merzimge QHR tóraǵasy qyzmetine saılady.

Basylym málimetinshe, JHÓJ depýtattary daýys berý kezinde biraýyzdan Sı Szınpındi qoldaǵan. Daýys berý 14-shaqyrylym JHÓJ birinshi sesıasynyń úshinshi plenarlyq otyrysy kezinde ótken.

Lýkashenko sheneýnikterdi ólim jazasyna kesý týraly Zańǵa qol qoıdy

Belarýs prezıdenti Aleksandr Lýkashenko "Qylmystyq jaýapkershilik máseleleri boıynsha kodeksterdi ózgertý týraly" Zańǵa qol qoıdy.

Zańda laýazymdy tulǵalardy memleketke opasyzdyq jasaǵany úshin qylmystyq jaýaptylyqqa tartý kózdeledi.

"Bul rette laýazymdy adam nemese áskerı qyzmetshige memleketke opasyzdyq jasaǵany úshin ólim jazasy qoldanylýy múmkin", - delingen habarlamada.

Tańǵy sholý: Muǵalimder kúni belgilendi. Lýkashenko sheneýnikterdi ólim jazasyna kesý týraly Zańǵa qol qoıdy

Qatysty tegter :

Qatysty Maqalalar