Qoǵamnyń «AMANAT» partıasyna degen qyzyǵýshylyǵy Almatyda aýqymdy kezdesýge ulasty. Máselen, «Sary-Arqa» kınoteatrynyń aýmaǵyndaǵy alańda saıası reformalardy jáne «Halyqpen birge!» saılaýaldy baǵdaǵdarlamany qoldaý maqsatynda partıanyń qalalyq fılıaly uıymdastyrǵan mıtıń ótti.

İs-sharaǵa partıanyń bes júzge jýyq jaqtasy qatysyp, qoldaý bildirdi. Olardyń arasynda QR Parlamenti Májilisi men Almaty qalasy máslıhaty depýtattyǵyna kandıdattar, partıanyń jastar qanatynyń ókilderi, belgili qoǵam qaıratkerleri men qala turǵyndary boldy.

Mıtıńke qatysýshylar saılaýaldy baǵdarlamany qoldaý úshin transparanttarpen keldi.

Qalalyq shtabtyń basshysy Stanıslav Kankýrov jınalǵandar aldynda sóz sóılep, «AMANAT» partıasy Memleket basshysynyń Ádiletti Qazaqstandy qurý jolyndaǵy basty tiregi ekenin atap ótti.

«AMANAT» – qalamyzdaǵy 100 myńǵa jýyq belsendi almatylyqtardy biriktiretin, basqarý tájirıbesi bar birden-bir partıa. Búginde saılaý naýqany aıasynda 1000-ǵa jýyq is-shara ótkizdik. Ár kezdesýde almatylyqtardyń ózekti suraqtaryna jaýap beremiz, sheshimin tabýdy qajet etetin máselelerge mán beremiz», – dedi Stanıslav Kankýrov

Óz kezeginde, «AMANAT» partıasy Almaty qalalyq fılıalynyń tóraǵasy Meıirjan Otynshıev megapolıstiń túıtkildi máseleleri men partıanyń bastamalary týraly aıtyp berdi .

«Biz sapaly ınfraqurylymnyń paıda bolýyna atsalysyp, almatylyqtardyń jaıly ómir súrýine jaǵdaı jasaımyz. Ol úshin jańa 4 metro stansasyn, 300 shaqyrymnan astam jol salamyz. Saılaýaldy baǵdarlamaǵa sáıkes, aldaǵy bes jylda 34 mektep, 33 balabaqsha jáne 16 emhana salynady. Sondaı-aq, 43 myńnan astam otbasyn baspanamen qamtamasyz etemiz. Biz kásipkerlikti damytý úshin shaǵyn jáne orta bızneske jyl saıyn 40 mlrd teńgeden astam nesıe bólýdi qarastyramyz. Bul óz kezeginde, 276 myńnan astam jańa jumys ornyn ashýǵa múmkindik beredi», – dedi ol.

Belgili telejýrnalıst, QR Parlamenti Májilisi depýtattyǵyna kandıdat Sergeı Ponomarev partıanyń saılaýaldy baǵdarlamasynda kórinis tapqan ekologıa máselesine toqtaldy. 

«Megapolıste aýa lastanyp ketti. Bul máseleniń tez arada sheshimin tabý qajet. Budan bári zardap shegedi. Qarıalar da, jastar da ýlanady. Partıa 2026 jyldyń sońyna deıin JEO-2-niń gazǵa aýysýyn qadaǵalaıdy. Aýany taza ustaýǵa baǵyttalǵan basqa sharalar da bar. Biz zańsyz bólingen 18 mıllıon gektar jerdi memleket menshigine qaıtarýdy kózdeımiz.  Bul oryndalmaıtyn ýáde emes. Sebebi bizdiń partıamyzdyń kúsh-jigeriniń arqasynda osy ýaqyt aralyǵynda 5 mıllıon gektar jer memleketke qaıtaryldy», – dedi ol.

Amanattyqtar partıanyń saılaýaldy baǵdarlamasynyń barlyq basym baǵyttaryn ashyp aıtty. Iaǵnı, partıa zań pen tártiptiń ústemdik etýine, árbir qazaqstandyq otbasynyń ál-aýqatyn arttyrýǵa, jastar úshin jańa múmkindikterge jol ashýǵa, adal eńbekke laıyqty eńbekaqy tólenýine, azamattardyń barlyq sanaty úshin teń múmkindik jasalýyna jáne ózge de ıgi bastamalarǵa múddeli.

«AMANAT» degenińiz – birlik, dostyq, otbasy. Belsendi áıelder men bastamashyl azamattardy tańdańyz!», – dedi kópbalaly ana Dıana Erlan.

Belgili telejúrgizýshi, Almaty qalasy máslıhaty depýtattyǵyna kandıdat Olga Spırına memlekettik tildi meńgerýdi nasıhattaı otyryp, dástúr men urpaq sabaqtastyǵyn saqtaýdyń mańyzdylyǵyn atap ótti.

Sondaı-aq, mıtıńte QR Parlamenti Májilisiniń depýtattyǵyna kandıdattar Aıdos Sarym jáne Janarbek Áshimjanov, paralımpıadashy Serik Esmatov, birmandatty okrýgter boıynsha depýtattyqqa kandıdattar Zýlfıa Baısaqova jáne Rýslan Nurlybaev, «Assambleıa jastary» respýblıkalyq qoǵamdyq birlestiginiń múshesi Rýstam Qaıryev jáne taǵy basqalar sóz sóıledi.

Daıyndaǵan: "AMANAT" partıasynyń baspasóz qyzmeti

Tapsyrys berýshi: M.J. Ospanov

“AMANAT” partıasynyń saılaý qory qarajaty esebinen tólendi.