Jaqynda Gaagadaǵy halyqaralyq sot Reseıdiń Ýkraınaǵa basyp kirgenine baılanysty eki qylmystyq is ashyp, birneshe adamdy qamaýǵa alýǵa order beredi.

New York Times portalynyń habarlaýynsha, Reseıge eki pýnkt boıynsha aıyp taǵylmaq: Birinshisi – Ýkraınanyń azamattyq ınfraqurylymyn ádeıi talqandaý; Ekinshisi – Ýkraına jerindegi qorǵansyz balalardy Reseıge kúshtep alyp ketý. Reseılikter ýkraın balalaryn qaıta tárbıeleý lagerlerine alyp ketip jatyr. 

Halyqaralyq sottyń bas prokýrory Karım Han taıaýda Ýkraınaǵa baryp, jaǵdaımen jeke ózi tanysqan bolatyn. Reseı shabýylynan keıin Ýkraınanyń ınfraqurylymyna aıtarlyqtaı zarar keldi, mıllıondaǵan adam zardap shegip, júzdegen beıbit turǵyn qaza tapqan.

Ázirge halyqaralyq sot kimdi aıyptaıtyny belgisiz. New York Times portalynyń keıbir derekkózderi Reseı prezıdenti Pýtınge aıyp taǵylýy múmkin dep esepteıdi. Biraq basylym sot prosesiniń bolashaǵyna kúmándana qaraıdy. Óıtkeni halyqaralyq sot qylmystyq isti syrttaı júrgize almaıdy. Al Reseı Gaaga sotyn moıyndamaıdy.