Tótenshe jaǵdaılar mınıstrligi Seısmologıa ınstıtýty Aımaqtyq seısmıkalyq zertteýler zerthanasynyń ǵylymı qyzmetkeri Aqkenje Sıylqanova Ortalyq Azıa elderindegi jer silkinisiniń Qazaqstan úshin qanshalyqty qaýipti bolýy múmkin ekenin aıtty,  dep habarlaıdy Tengrinews.kz

Seısmolog Ortalyq Azıa aımaǵy álemdegi eń seısmıkalyq aımaqtardyń biri ekenin atap ótti. Onyń ishinde Aýǵanstan men Tájikstan aýmaǵynyń seısmıkalyq qaýpi joǵary.  

"Aýǵanstandaǵy jer silkinisiniń tolqyndary bizdiń aýmaqqa, ásirese elimizdiń ońtústik bóligine: Shymkent pen Túrkistan oblysyna jetýi múmkin. Jer silkinisi epısentrinde 7–7,2 baldy qurasa, biz 2–3 bal sezinemiz",  – dedi seısmolog.

Onyń málimdeýinshe, Ortalyq Azıa men Almaty oblysy árqashan seısmıkalyq jaǵynan óte qaýipti aımaq bolyp sanalady. Mundaı aımaqtarda kúshti jer silkinisteri 80–200 jylda qaıtalanatynyn umytpaý kerek.

Sondaı–aq, Aqkenje Sıylqanova Aýǵanstan men Tájikstandaǵy sońǵy jer silkinisiniń Túrkıadaǵy oqıǵaǵa jáne álemdegi basqa da seısmıkalyq oqıǵalarǵa esh qatysy joq ekenin aıtty. Maman jer asty dúmpýlerine áser etetin basqa da faktorlar bar ekenin málimdedi. Túrkıadaǵy joıqyn jer silkinisi Ortalyq Azıa men álemniń basqa aımaqtarynda seısmıkalyq belsendilikti týdyrady deýge bolmaıdy.

Eske sala keteıik, 21 naýryzda Aýǵanstanda shamamen 7 baldyq jer silkinisi bolyp, ony Shymkent pen Taraz turǵyndary da sezingen bolatyn.

Al 23 naýryzda Tájikstanda kúshti jer silkinisi bolyp, saldarynan alty aýyl zardap shekti.