1-naýryz kúni saǵat 10:00 Alǵys kúnine oraı ZOOM qosymshasy arqyly el óńirleriniń qatysýymen Qazaqstan Respýblıkasy Aqparat jáne qoǵamdyq damý mınıstrligi “Qoǵamdyq kelisim” RMM uıymdastyrýymen “Birlik damý úshin!” atty telekópir ótti.

Telekópirdiń qatysýshylary men qonaqtary: QR Parlamentiniń eki palatasynyń depýtattary; memlekettik organdarynyń ókilderi; Qazaqstan halqy Assambleıasynyń ókilderi; EMB; quqyq qorǵaý organdarynyń, bilim, ǵylym, sport, mádenıet salasynyń jumysshylary; barlyq jeke formadaǵy kásiporyndardyń jumysshylary; QHA qoǵamdyq qurylymdary; belgili saıasat jáne qoǵam qaıratkerleri; ǵylymı jáne shyǵarmashylyq ıntellıgensıalary; jastar uıymdary; BAQ ókilderi.

Alǵys aıtý kúnin merekeleýdiń máni elimizdiń taǵdyryna degen janasharlyq sezimin týǵyzý, qazaqstandyq birlikti nyǵaıtý jáne damytý, sondaı-aq árbir adamnyń bastan keshken qıyndyqtardy eske alý.