Qarasaı aýdandyq sotynda jergilikti ákimdik pen Bolat Nazarbaev arasyndaǵy sot prosesi júrip jatyr, dep málimdedi "Pátyı regıon" aqparattyq portaly.

"Qarasaı aýdanynyń prokýratýrasy jalpy kólemi 35 gektardan asatyn jer telimin satý týraly kelisimshartty jaramsyz dep tanyǵan. Bul jer telimi sýarmaly egistikke arnalǵan aýyl sharýashylyq alqabyna tıesili, al Jer kodeksine sáıkes aýyl sharýashylyq jerleri satylmaýy tıis", – delingen habarlamada.

BAQ atalǵan jerdi satý óreskel zańbuzýshylyqpen júrgizilgenin aıtady. Sondyqtan prokýror kelisimshartty jaramsyz dep tanyp, jer telimin memleketke qaıtarýdy talap etken.

Osyǵan deıin Bolat Nazarbaev "Optovka" bazarynan, Mańǵystaý men Jambyldaǵy 300 myń gektarǵa jýyq jerinen aıyrylǵan bolatyn. Sonymen qatar, Joǵarǵy Sot naýryz aıynda oǵan Almaty aýyr mashına jasaý zaýytynyń aksıalaryn memleket menshigine qaıtarýdy mindettedi.