Almatyda Qazaqstan musylmandar dinı basqarmasynyń uıymdastyrýymen aýyzashar ótti. Bas múftı jamaǵatqa izgi tilegin bildirip, qasıetti Ramazan aıymen quttyqtady. Barsha musylman qaýymynyń tutqan orazasy, jasaǵan izgi amaldary qabyl bolýyn surap, jamaǵatpen birge duǵa jasady.

Al zıaly qaýym ókilderi Bas múftıge alǵys bildirip, Dinı basqarmanyń ıgi bastamalaryna sáttilik tiledi.

"Ramazan aıy – musylmandar asyǵa kútken, keshirim aıy. Múftıattyń tanymal adamdar men zıaly qaýym ókilderiniń basyp qosyp, aýyzashar bergenine qýanyshtymyn. Aýyzashar – qazaq dástúrindegi ádemi kórinistiń biri", dedi QR eńbek sińirgen qaıratkeri Qaragóz Súleımenova. 

Sondaı-aq sharaǵa Dosqan Joljaqsynov, ánshi Meırambek Bespaev, Ernar Aıdar, Túrkıanyń Qazaqstandaǵy bas konsýly Alı Ryza Akyndjy, akter Tuńǵyshbaı Jamanqulov, t.b, tanymal tulǵalar men kásipkerler qatysyp, Ramaz aıymen quttyqtady.