Shanhaı yntymaqtastyq uıymyna qatysýshy elderdiń mınıstrleri 2023–2024 jyldarǵa uıymnyń mádenı jáne týrısik astanasy retinde Almaty qalasyn bekitý týraly usynysty qoldady, dep habarlady Tengrinews.kz

Asqat Oralov Shanhaı yntymaqtastyq uıymyna qatysýshy elderdiń mádenıet mınıstrleriniń keńesine qatysty. Onlaın kezdesýge Úndistan, QHR, Qyrǵyzstan, Ózbekstan, Tájikstan, Reseı jáne Pákistan ókilderi qatysqan.

Mınıstrdiń mindetin atqarýshy Asqat Oralov Almaty qalasyna SHYU–nyń 2023–2024 jyldarǵa mádenı jáne týrısik astanasy mártebesin berý týraly máseleni kóterdi.

"Keın myrza men barlyq qatysýshylarǵa bizdiń bastamamyzdy qoldaǵany úshin alǵys aıtamyn. Búgingi tańda Almaty qalasynda 14 is–shara ótkizý týraly jospar ázirledik. Olardyń qatarynda týrısik jáne mádenı festıváldar men marafondar bar. Barshańyzdy Qazaqstanǵa kelip, elimizdiń kórikti jerlerimen jáne mádenıet salasyndaǵy jumysymyzdyń nátıjesimen tanysýǵa shaqyramyn", – dedi Asqat Oralov.