Fılm prokatqa shyqqan tus­ta áldebireýler ınternet­tiń ıi­ri­minde otyryp, «Myń bala­ǵa» bar­ma, barǵyzba!» degen uran kó­ter­­­di. Aıyby – kınoteatrlarda orys­­sha júrip jatyr eken. Jaqynda Sasha Baron Koen degen saıqymazaqtyń «Dıktator» deıtin kınosy bizdiń teatr­lardan kórsetile bastady. En­di nege álgi uran tastaǵyshtar osy tusta aıǵaıǵa baspaıdy degen oı keledi. «Barma! Bar­ǵyz­ba!» dep. Bul bizdiń memleketti kelemejge aınaldyrǵan, jetis­tigimizdi kó­r­me­gen, tarıhymyzdy tanymaǵan adam emes pe edi? Qaıta bizdi japan dalada ja­lańbut júretin jurt retinde tanytpady ma ja­hanǵa? Umy­typ qalsańyz aıtaı­yq, bul álemge áıgilenip ketken «Borat» fılminiń avtory. Onda Qa­zaqstandy kil jaman jaǵy­nan kórsetedi. Tipti, anaıy­ly­ǵy basym. Aıtýǵa aýyz barmaıtyn tus­tary da bar. Kóptegen syrt memlekettiń halqy osy bir shy­ǵarmasymaqty kórip, biz týraly teris túsinikte qalǵa­nyn qalaı jasyramyz? Árıne, odan Qazaq­stannyń abyroıy kúrt kemip ketpegen shyǵar. Degenmen bizdi men­sinbeıtin, kósh­ten qalǵan ha­lyq sanaıtyn adamnyń kınosy qazaq jerine jetip, kınoteatrlarynan beri­lip, nege tabys tabýy kerek? «Itiń jaman» dese tońteris qalypqa enip, «bir atym nasybaı» úshin kóńili qalatyn ult­tyń balasy edik qoı. Endi nege bizdi masqaralaǵan adamdy tóri­mizge shyǵaramyz? Toqtam salý­ǵa bolmaı ma? «Jónińmen júr» deýge shamamyz kelmeı me? Tájikstan men Túrkimen­stan «Dıktatorǵa» baıkot jarıalap, kınoteatrlarynan ber­giz­beı tastapty. Olar Borattyń keıipkeri bolǵan joq. Deı tur­ǵanmen je­rine kirgizbedi. Óıt­keni tárbıe­lik máni tereń emes. «Myń balaǵa» óre túregel­gender, «Dıktatorǵa» kelgende jum­ǵan aýzyn ashpaıdy. Qazaq­tyń áli qazaqqa ǵana jete me sonda? Olaı bolmasa, nege Bo­ratqa tabanyńdy jaltyrat de­meı­di? «Barma! Barǵyzba!» dep qasqaıyp turmaıdy? Judy­ryq­­ty jurtyńa kórsetpeý kerek. Alashqa aıaly alaqanyńdy tos. Al basqany basyńda oınatpa! Bizdiń aıtqymyz kelgeni de osy.