Kanada bıligi jasandy ıntellekt negizinde ChatGPT chat botyn jasaǵan OpenAI kompanıasyna qatysty tergeý bastalǵanyn habarlady.

OpenAI kompanıasyna qoldanýshylardyń jeke aqparatyn ruqsatsyz jınap, paıdalandy jáne jarıa etti degen shaǵym túsken. Kanada bıligi shaǵym túskennen keıin tergeý jumystaryn bastady.

"Tergeý júrip jatqandyqtan, qosymsha málimetterdi jarıa ete almaımyz", –  dep málimdedi departament.

Buǵan deıin jasandy ıntellektti damytý salasyndaǵy myńnan astam sarapshy barlyq IT zerthanalaryn  GPT 4–ten asyp túsetin jetildirilgen júıelerdi qoldanysqa engizýdi toqtatýǵa shaqyryp, ashyq hatqa qol qoıǵan bolatyn. qol qoıǵandar arasynda Ilon Mask, Stıv Voznák pen Iaan Tallınn de bar.