Sheshendik ónerdiń sheberhanasyna aınalǵan Abaı atyndaǵy respýblıkalyq mektep-ınternatynda jas dilmarlar saıysy ótedi. 

Sharaǵa respýblıkalyq «Dilmar», «Aqberen» jáne jelilik Abaı mektepteri arasynda ótetin «İshi altyn, syrty kúmis sóz jaqsysy...» sheshendik óner baıqaýlarynyń qatysýshylary men júldegerleri, Abaı atyndaǵy RMMI-dyń «Jyl sheshenderi», Abaı mektebi men Qyzdar ulttyq pedagogıkalyq ýnıversıtetiniń stýdentteri arasynda ótken jarystyń jeńimpazdary qatysyp, sóz dodasynyń kórigin qyzdyrady.

Osylaısha, babalar murasyn balalar jadynda taǵy bir márte jańǵyryp, kórkem, kesteli sóz, obrazdy sóıleý, oı ushqyrlyǵy men sózge tapqyrlyq qabileti synǵa túsedi. Bul bolashaq sheshenderdi daıyndaýdyń eń tıimdi ári qalyptasqan joly.

Joba avtory jýrnalıs, atalǵan mekteptiń «Sheshendik sóz óneri pániniń» muǵalimi Jarqyn Sálenuly. Arnaıy saıysqa Abaı atyndaǵy QazUPÝ, ál-Farabı atyndaǵy QazUÝ, Qazaq ulttyq Qyzdar pedagogıkalyq ýnıversıteti, Almaty memlekettik servıs jáne tehnologıalar kolejiniń stýdentteri, «Kýrsant» jalpy bilim berý mektebiniń 11-synyp oqýshysy jáne respýblıkalyq daryndy balalarǵa arnalǵan mektep-ınternatynyń oqýshylary juptasyp, jerebe arqyly taqyryp taldap, jekpe-jek túrinde sheshendik sheberlikterin kórsetedi.

Ádebıet pen til salasynyń maıtalman mamandary, tanymal jýrnalıser qazylyq jasap, qatysýshylardyń shyńdalýyna baǵyt-baǵdar beredi. Sondaı-aq, 8-synyptar arasynda sheshendik jáne ǵıbratty sózderdi búgingi kúndelikti ómirmen baılanystyryp qoldaný deńgeıin anyqtaý jarysy ótip, jeńimpazdar anyqtalady.

Igiligi mol is-sharanyń uıymdastyrýshysy Abaı atyndaǵy RMMI-dyń «Dilmar» sheshendik óner úıirmesi.