Jańaózendegi turǵyn úılerdiń birinde jarylys boldy. Jarylys saldarynan 11 adam zardap shegip, bir adam qaza tapqan. Tótenshe jaǵdaılar departamentiniń málimetinshe oqıǵa 17 sáýir kúni Astana ýaqytymen tańǵy saǵat 5:00 shamasynda bolǵan.

“Jańaózen qalasyndaǵy 2 shi shaǵynaýdanda qos qabattan turatyn 12 páterli  turǵyn úıde gaz jaryldy. Oqıǵanyń saldarynan turǵyn úı kireberisiniń 150 sharshy metri qıraǵan”, – delingen habarlamada. 

Jarylystan keıin órt bolmaǵan. Zartap shekkender medısına qyzmetkerlerine tapsyryldy. 

"Oqıǵa ornyn arshý jumystaryna Mańǵystaý oblysy Tótenshe jaǵdaılar departamentiniń 50 den astam qutqarýshy, 10 tehnıka, jedel medısınalyq kómek jáne jergilikti atqarýshy organdardyń qyzmetkerleri jumyldyryldy", – dep málimdedi TJD ókilderi. 

Qazir qyzmetkerler oqıǵanyń sebebin anyqtap jatyr.