Kásipker, qoǵam belsendisi, burynǵy áskerı qyzmetker Damır Amanjolov jobasyna suhbat berdi. Amanjolov áskerı mansabyn tastaýǵa ne sebep bolǵanyn aıtyp, jalaqynyń azdyǵy da sheshim shyǵarýǵa áser etkenin aıtty.

Onyń aıtýynsha, áskerılerge tólenetin jalaqy sarbazdardyń qajettiligin óteı almaıdy.

"Áskerı oryndarda tártipsizdik bolatyny jalǵan emes. Áskerı ómir kınoda ǵana ádemi, al shyndyǵynda múlde basqa. Áskerı adamdar bárin tastap ketýge qorqatynyn moıyndap, pikir qaldyrsa eken", – dedi Damır.

Ol ózi de alǵashqyda áskerı qyzmetti tastap ketýge qoryqqanyn jasyrmady. Alaıda aılyqtyń azdyǵy men úzdiksiz jumys, áskerılerden aqsha jınaı berý ony sharshatyp jibergen.

Sondaı–aq, ol Bolat Ábilov, Muhtar Jákishev jáne Armanjan Baıtasovpen qarym–qatynasyna da toqtaldy. Qazaqtildi mamandardyń jetispeýshiligi men áskerdegi "dedovshına" jaıly da aıtty.

Suhbattyń tolyq nusqasyn YouTube jelisindegi "Qamshyger" jobasynan kóre alasyzdar.