Elimizde keı aımaqtarynda avtokólik gazynyń shekti baǵasyn kóterý týraly buıryq kúshine endi. Qujat "Qazaqstan Respýblıkasy normatıvtik quqyqtyq aktileriniń elektrondy túrdegi etolondyq baqylaý banki" portalynda jarıalanǵan. 

"Qazaqstan Respýblıkasynyń aýmaǵynda avtogaz quıý stansıalarynda avtokólikke janarmaı quıý úshin suıytylǵan munaı gazyn bólshek saýdada ótkizýge ýaqytsha memlekettik baǵa retteýdi engizý týraly" buıryqqa engizilgen ózgerister kúshine enip otyr. Buıryq 2023 jyldyń 31 jeltoqsanyna deıin óz kúshin joǵaltpaıdy. 

Ózgeristerge sáıkes, 1 lıtr avtogazdyń quny myna aımaqtarda ósedi:

• Almaty qalasynda – 65 teńgeden 75 teńgege deıin;

• Almaty oblysynda – 70-75 teńgeden 75-80 teńgege deıin;

• Abaı oblysynda – 60-65 teńgeden 65-70 teńgege deıin;

• Shyǵys Qazaqstan oblysynda – 60-65 teńgeden 70-75 teńgege deıin;

• Soltústik Qazaqstan oblysynda – 70-75 teńgeden 75-80 teńgege deıin;

Qalǵan óńirlerde avtokólik gazynyń baǵasy ózgerissiz qalady.