Mańǵystaýlyq 18 jasar Nurlan áskerde oq–dárilerdi tazartýǵa jiberilgen. Jumys barysynda snarádtyń biri jaýyngerdiń qolynda jarylyp, eki saýsaǵyna zaqym keltiredi. Munymen qosa  ókshesine zaqym kelip, denesinde oq ushqynshaqtary qalǵan áskerıdiń ózin sońynda kináli etip shyǵaryp, shartty túrde 1 jylǵa sottalǵan.

Oqıǵa Mańǵystaý oblysyndaǵy Beket ata polıgonynda bir jarym jyl buryn bolǵan. Jaýyngerdiń ápkesi sarbazdy esh daıyndyqsyz oq–dárilerdi tazartýǵa jibergendikten, I snarádynyń biri sarbazdyń qolynda jarylǵanyn aıtady.

“Jaýyngerdiń qolynda arnaıy beren saýyt bolýy tıis eken. Ol munda qaýipti qarý bolady dep oılamaǵan. Óıtkeni olardy arnaıy daıyndyqsyz polıgon tazartýǵa jiberilgen. Menińshe, bul durys emes, sebebi olar arnaıy maman – saper emes”, – deıdi Nazym Ómirbaeva.

On segiz jasar Nurlan oń qolyndaǵy eki saýsaǵy men sol ókshesinen aıyrylǵan. Astana arnasynyń habarlaýynsha, dárigerler onyń denesin oq qaldyqtarynan tolyqtaı tazalaı almaǵan. Sonymen qatar, sarbaz bolǵan oqıǵaǵa kináli dep tanylyp, bir jylǵa shartty túrde bas bostandyǵynan aıyrylǵan.

Úkim shyǵarylǵan Aqtóbe garnızony áskerı sotta áskerı qyzmetkerdiń qarý ustaý erejesin buzǵanyn aıtty. Biraq jábirlenýshiniń týystary bul úkimmen kelispeıdi. Olar tájirıbesiz sarbazdyń qorǵanys kıiminsiz oq–dári tazalaýmen aınalyspaýy kerek ekenine senimdi. Qazir jas jaýynger jumysqa jaramsyz bolyp qalǵan.