Almaty qalasy máslıhatynyń VIII shaqyrylymynda Amanat partıasynyń atynan saılanǵan depýtat Anna Bashınskaıa Ýkraına prezıdenti Vladımır Zelensııge Qyrymnyń ornyna Túrkıaǵa shabýyl jasaýdy usynǵan bolatyn. Keıin ol paraqshasynda óz pikiri úshin keshirim surady. 

Depýtat Zelenskııdiń anneksıalaǵan Qyrymdy Ýkraınaǵa qaıtarý jospary jaıly jazǵan jazbasynyń astyna "Odan da Túrkıaǵa shabýyl jasańyz, Zelenskıı myrza! Ol jaq qashanda jyly" – dep pikir qaldyrǵan. 

Keıin depýtat bul pikiri úshin áleýmettik paraqshasynda keshirim surady. 

"Men Ýkraına prezıdentiniń málimdemesine oılanbastan pikir jazdym. Túrkıa týraly bulaı aıtqym kelgen joq. Baýyrlas túrik halqynan keshirim suraımyn. Bul jaǵdaıǵa túsinikteme berýge quqym joq edi. Bizdiń óz elimiz bar, men depýtat retinde eń aldymen óz elimniń amandyǵyn oılaýym kerek" – dep jazdy Bashınskaıa.

Eske sala keteıik, depýtat Anna Bashınskaıanyń quny 6 mıllıard teńgeden asatyn júzge jýyq memlekettik kelisimsharty bar.