SHQO Altaı aýdandyq máslıhaty Lenın eskertkishin jóndeýge búdjetten 1,5 mıllıon teńge bólýdi maquldaǵan. 1962 jyly turǵyzylǵan eskertkishtiń qyzyl granıt tuǵyry jóndeledi, ázirge eskertkishti jóndeıtin merdiger anyqtalmaǵan.

"Vladımır Ilıchtiń qoladan quıylǵan bul eskertkishi – Shyǵys Qazaqstanda turǵan, sovet kóseminiń qurmetine arnalǵan jalǵyz eskertkish. Áli kúnge aýdan ortalyǵyndaǵy alańnyń sánin keltirip tur, halyq bul tarıhı orynǵa qurmetpen qaraıdy", – dep jazdy jergilikti basylym bul jaıynda.

Altaı aýdandyq máslıhatynyń tóraıymy Larısa Grechýshnıkova eskertkish jergilikti mańyzy bar tarıhı jáne mádenı eskertkishter tiziminde turǵanyn aıtqan.

Altaı aýdany ákiminiń orynbasary Janna Asqarova "eskertkish ıdeologıalyq turǵyda eskirdi" dep sanaıdy, "biraq tarıhı eskertkishter tiziminde turǵandyqtan jóndeý kerek".

Derekkóz: Azattyq radıosy