74 jastaǵy opozısıalyq saıasatker Jasaral Qýanyshálın aýyr naýqastanyp, aýrýhanaǵa túsken. Bul aqparatty onyń jaqyndary men jaqtastary habarlady. Saıasatkerdiń áıeli, aqyn Aısulý Qadyrbaevanyń sózinshe, Qýanyshalın úıde jalǵyz bolǵan.

– Keıingi jarty jylda ózim de aýrýhanada jatyrmyn. Sońǵy ret sóıleskenimde "maǵan aýrýhanaǵa jat dep jatyr" degen edi. "Maǵan qaraılamaı, jata ber" dedim. Búgin serikteri telefon soǵyp, "esin bilmeı jatyr" dep habarlady, – dedi Aısulý Qadyrbaeva.

Qoǵam belsendileri Bıbigúl Jolamanova men Arman Imanjanovtyń aıtýyna qaraǵanda, Jasaral Qýanyshálındi búgin saǵat 12.00 kezinde jedel járdem aýrýhanaǵa áketken. Qazir ol Almatydaǵy qalalyq jedel járdem aýrýhanasynyń jansaqtaý bóliminde jatyr.

Jasaral Qýanyshálın 1994-1995 jyldary Qazaqstan Joǵarǵy keńesiniń depýtaty bolǵan. Keıin opozısıaǵa ótip, túrli uıymnyń qatarynda bılik saıasatyn ashyq synap keldi. Keıingi jyldary partıa qurýǵa talpynǵanymen, olardy ádilet mınıstrligi ártúrli ýájben tirkemegen. Prezıdent saılaýyna túsýge nıet te bildirgenimen, kandıdat retinde tirkele almaǵan.

Derekkóz: Azattyq