Ata–anadan aqsha jınaǵan mektep basshysy 7 mln teńge aıyppul tóleıdi. Bul týraly Abaı oblysyndaǵy ótken bilim berý uıymdarynyń basshylarymen kezdesýde oqý–aǵartý mınıstri Ǵanı Beısembaev málimdedi.
"Mektepte jóndeý jumystaryna, synyptyń qajettilikteri men muǵalimderge syılyq alýǵa aqsha jınalmaýy kerek. Talapty oryndamaǵandar úshin sybaılas jemqorlyqqa qarsy is–qımyl agenttigimen birlesip, mektep basshysyna 7 mıllıon teńge kóleminde aıyppul salý týraly sheshim qabyldanǵaly jatyr" – dedi oqý–aǵartý mınıstri.
Sondaı–aq, endi mektepte bolǵan mundaı jaǵdaılar úshin dırektor tikeleı jaýap beredi.
Pikir qaldyrý