Freedom House buryndary komýnıstik ıdeologıamen ómir súrgen Ortalyq Eýropa, Balqan túbegi men Eýrazıanyń 29 elindegi jaǵdaıǵa baǵa berdi.

Memleketterdegi demokratıa deńgeıi ulttyq demokratıalyq basqarý, saılaý prosesi, azamattyq qoǵam, táýelsiz BAQ, jergilikti demokratıalyq basqarý jáne sybaılas jemqorlyq  boıynsha baǵalanady. Bul joly birqatar elder "kúsheıtilgen avtorıtarlyq rejımniń" tómengi sanatynda qaldy. Olardyń arasynda Belarýs, Ázirbaıjan, Reseı jáne Ortalyq Azıa elderi bar.

"Belarýssıada, Qazaqstanda, Qyrǵyzstanda, Tájikstanda jáne Ózbekstanda azamattyq qoǵamǵa qyspaq jasalatyny baıqaldy: keıde bılik narazylyq bildirgenderge zorlyq–zombylyq kórsetse, keıde ustalǵandardy azaptaǵan. Túrkimenstan men Ázirbaıjan azamattarynyń bıleýshi elıta nepotızminen zardap shegýi men Reseıdegi soǵysqa qarsylyq bildirgenderge qarsy repressıa demokratıanyń quldyraýyna ákeldi", – delingen basylymda.

Qazaqstanda demokratıa ındeksi ótken jyldan beri tómendep, birde–bir kórsetkish boıynsha alǵa ilgerilemegen.

Sarapshylardyń aıtýynsha, qańtar oqıǵasynan keıin jaǵdaı burynǵydan da qatty nasharlaǵan. Qazaqstan bıligi óz ýádelerin oryndamady, al Jańaózen turǵyndarynyń narazylyǵy birden saıası talaptarǵa aınaldy. Osy jaǵdaılardy eseptegende, barlyq sanattar boıynsha eldegi demokratıa ındeksi eń tómengi deńgeıge jaqyn.